პროექტისთვის შეიქმნა ინფრასტრუქტურა, რომელიც აერთიანებს ხანძრის აღმოჩენისა და შეტყობინების სისტემას, ხმოვანი შეტყობინებისა და ევაკუაციის სისტემას და შენობის მართვის სისტემას (BMS).

ხანძრის აღმოჩენის სისტემა უზრუნველყოფს საფრთხის დროულ იდენტიფიცირებას და სწრაფ რეაგირებას, ხოლო ხმოვანი შეტყობინების სისტემა საგანგებო სიტუაციების დროს ინფორმაციის ოპერატიულ გავრცელებასა და ევაკუაციის პროცესის მართვას ემსახურება.

პროექტის მნიშვნელოვანი ნაწილი იყო შენობის მართვის სისტემის (BMS) ინტეგრაცია, რომელიც სხვადასხვა საინჟინრო სისტემის ცენტრალიზებულ კონტროლს უზრუნველყოფს. შედეგად, იზრდება ენერგოეფექტურობა, მარტივდება მონიტორინგი და უმჯობესდება ობიექტის ყოველდღიური მართვა.

პროექტში ინტეგრირებულია საერთაშორისო ბრენდების სისტემები და ტექნოლოგიები, მათ შორის Notifier, Variodyn და Centraline by Honeywell. InWest-მა უზრუნველყო მათი ერთიან ინფრასტრუქტურაში გაერთიანება და სასტუმროს მოთხოვნებზე მორგებული ტექნიკური შესრულება.